📌সংখ্যালঘু এলেকাত ভাইৰেল হোৱাটছআপ বাৰ্তা
📌সংখ্যালঘু এলেকাত হোৱাটছআপ বাৰ্তা কংগ্ৰেছে ভাইৰেল কৰাৰ অভিযোগ
📌সন্দেহযুক্ত মিঞাৰ বিৰুদ্ধে চলা অভিযানক লৈ সাম্প্ৰদায়িক মন্তব্য

সংখ্যালঘু এলেকাত সম্প্ৰতি ভাইৰেল হৈছে এক হোৱাটছআপ বাৰ্তা৷ সাম্প্ৰদায়িক বিষবাষ্প বিয়পোৱা এই বাৰ্তা ভাইৰেল হোৱাৰ পিছতে সৃষ্টি হৈছে তীব্ৰ প্ৰতিক্ৰিয়াৰ৷ বাৰ্তাটোৰ জৰিয়তে মুখ্যমন্ত্ৰী ড০ হিমন্ত বিশ্ব শৰ্মাৰ বিৰুদ্ধে চলোৱা হৈছে অপপ্ৰচাৰ৷ সন্দেহযুক্ত মিঞাৰ বিৰুদ্ধে চলা অভিযানক লৈ কৰা হৈছে সাম্প্ৰদায়িক মন্তব্য৷ সংখ্যালঘু এলেকাত এই হোৱাটছআপ বাৰ্তা কংগ্ৰেছে ভাইৰেল কৰা বুলি অভিযোগ উত্থাপন হৈছে৷ অসমৰ মুখ্যমন্ত্ৰীক লৈ যে শংকিত হৈ পৰিছে টুকৰে টুকৰে গেং বাৰ্তাটোত স্পষ্ট হৈ পৰিছে৷ বাৰ্তাটোত কোৱা হৈছে যে বৰ দুখেৰে ক’বলগীয়া হৈছে যে যাক আমি গাঁৱৰ মুৰব্বী বনাইছিলো, দায়িত্ব দিছিলো, বিশেষকৈ আমাৰ গাঁৱৰ মানুহৰ জৰিয়তে…৷ সি আমাৰ ইছলামক অপমান কৰাৰ লগতে আমাৰ মানুহক উচ্ছেদ কৰাত সহায় কৰি আহিছে৷ আমাৰ ৫০ হাজাৰ মুছলমান পৰিয়ালক উচ্ছেদ কৰা কাৰ্যক সি সমৰ্থন কৰিছে৷ জনৈক পাৰভেজ সন্দৰ্ভত এগৰাকী ব্যক্তিক উদ্দেশ্যি কোৱা হোৱাটছআপ বাৰ্তাটোত প্ৰকাশ পাইছে অসমৰ মুখ্যমন্ত্ৰীক লৈ প্ৰকাশ কৰা আতংক, সংশয়৷ বাৰ্তাটোত কোৱা হৈছে যে পাৰভেজক লৈ আমি সপোন দেখিছিলো, কিন্তু সি আমাৰ সপোন ধূলিৎসাৎ কৰিলে৷ সি এনেদৰে অসমৰ উচ্ছেদত সমৰ্থন কৰিছে যেন সি অসমতহে নিৰ্বাচন খেলিব৷ মৌলানা আৰ্ছাদ চাহাবে অসমৰ উচ্ছেদৰ বিৰুদ্ধে বক্তব্য প্ৰদান কৰা বিষয়টোৰো সি বিৰোধ কৰিছে৷ ইয়াৰ দ্বাৰা সি দেখুৱাবলৈ বিচাৰিছে যে অসমৰ মুছলমানসকল হিমন্তৰ সৈতে আছে৷ আনহাতে, পাৰভেজক হাৰামি বুলি উল্লেখ কৰি তাক বয়কট কৰাৰ কথা উল্লেখ কৰা হৈছে বাৰ্তাটোত৷