৮৮.০২ শতাংশ নম্বৰৰে মহাবিদ্যালয়খনৰ ভিতৰত সৰ্বাধিক নম্বৰ লাভ ফুনু ৰায়ৰ

সৰভোগৰ পৰা ছহিজুল আলিঃ বৰনগৰ অঞ্চলৰ বটবৃক্ষ স্বৰূপ, বৰনগৰ মহাবিদ্যালয়ৰ শিক্ষা বিভাগৰ আজি এখনি বিশেষ সম্বৰ্ধনা সভা আৰু ন-পুৰণি ছাত্ৰ-ছাত্ৰীৰ মত-বিনিময় অনুষ্ঠান অনুষ্ঠিত হয়। সদ্যঘোষিত স্নাতক চূড়ান্ত বৰ্ষৰ পৰীক্ষাৰ ফলাফলত বিভাগটোৰ যিসকল ছাত্ৰ-ছাত্ৰীয়ে সুখ্যাৰ্তিৰে প্ৰথম শ্ৰেণীত উত্তীৰ্ণ হয়, সেইসকল ছাত্ৰ-ছাত্ৰীক আজিৰ সভাৰ জৰিয়তে সম্বৰ্ধনা জনোৱা হয়৷ গুৱাহাটী বিশ্ববিদ্যালয়ৰ অন্তৰ্গত স্নাতক চূড়ান্ত বৰ্ষৰ পৰীক্ষাৰ ফলাফলত সৰভোগস্থিত বৰনগৰ মহাবিদ্যালয়ৰ
শিক্ষা বিভাগৰ ৪১ গৰাকী ছাত্ৰ-ছাত্ৰীৰ ভিতৰত ৩৪ গৰাকী ছাত্ৰ-ছাত্ৰীয়ে প্ৰথম শ্ৰেণীত আৰু ২ গৰাকী ছাত্ৰ-ছাত্ৰীয়ে দ্বিতীয় শ্ৰেণীত উত্তীৰ্ণ হ’বলৈ সক্ষম হয়। আনফালে ফুনু ৰায় নামৰ ছাত্ৰী গৰাকীয়ে ৮৮.০২ শতাংশ নম্বৰৰে মহাবিদ্যালয়খনৰ ভিতৰত সৰ্বাধিক নম্বৰ লাভ কৰে৷